mardi 18 décembre 2007

Հայաստանի հանրային հեռուստատեսության տնօրինությանը

«Հայաստանի հանրային
հեռուստատեսություն»
375047
ՀՀ,Երևան, Նորք
Գևորգ Հովսեփյան 26
Հեռ։ +374 10 65-00-15
E-mail : karine@armtv.com, diana@armtv.com,
alik@armtv.com, marat@armtv.com,
satellite@armtv.com

ԴԻՄՈՒՄ–ԲՈՂՈՔԱԳԻՐ

Մեր վրդովմունքն ու բողոքն ենք հայտնում Հայաստանի հանրային հեռուստատեսության տնօրինությանը ձեր
եթերով հեռարձակված լրատվական հաղորդումների միակողմանի, գործող իշխանությունների տեսակետները
արտահայտելու դեմ։
Հարկ ենք համարում հիշեցնել, որ Հ1-ը Հայաստանի Հանրապետության քաղաքացիների հարկային
վճարումներով ֆինանսվորվող կառույց է և այն պետք է անաչառ, բազմակարծություն ապահովող լրատվական
ծրագրեր հեռարձակի։
Մասնավորապես չենք կարող չմատնանշել նախընտրական և հետընտրական շրջանում «ՀԱՅԼՈՒՐ»
լրատվականի ակնառու և ակնհայտ իշխանական հայտնի թեկնածույի գովազդող ուղղվածությունը։
Այս հաղորդման աշխատակազմը, լրագրական ոգուն մեղանչելով, բացահայտ քարոզչական թողարկումներ է
արձակում։ Նման աշխատաոճը արտերկրում ապրող հարյուրհազարավոր հայորդիներին զարմանք, ապա
զայրույթ է պառճառում։ Այնինչ բազմաթիվ օտար լրատվական աղբյուրներ լուսաբանում են Հայաստանում
նեկա բոլոր իրադարձությունները (FRANCE 24, EURONEWS, TF1, I-TV և վրացական մեծ ու փոքր
կայաններ)։
Շատ ամոթալի է, որ մեր անկախության 17–ամյակը պիտի դիմավորենք «լճացման տարիներին» բնօրոշ,
ինքնաքննությամբ կաշկանդված հայաստանյան լրատվական ընկերակցությամբ։
Մենք, կարծես, անցած էինք համարում այն ժամանակները, երբ իրազեկման ծարավով «Ամերիկայի ձայն» կամ
«Ազատություն» էինք որսում։
Արդյո՞ք այն ժամանակ, երբ Արցախյան հերոսամարտի արշալույսին միլիոնավոր հայեր «ՎՐԵՄՅԱ»
խորհրդային լրատվական ծրագրի հաղորդած ստերից անզոր ընդվզած, այսպիս՛ի ապագայի հեռանկերներ էինք
ակնկալում 2008 թվականին, 21–րդ դարի սկզբին։
Ճշմարտության առաջ մեղանչած կլինենք, եթե չնշենք ձեր եթերում պ. Բախտամյանի սկզբնավորած
պատմական հաղորդաշարի (Մեր պատմության էջեր) անգնահատելի ներդրումը հայապահպանության գործին։
Վերջացնելով մեր նամակը՝ հույս ենք հայտնում, թե մոտակայում կխախտեք իշխող քաղաքական ուժին ձեր
տված հավատարմության երդումը,գիտակցելով ձեր կոչումը՝ կանցնեք 90–ական թվականների ազատական
ոգուն հարազատ, արհեստավարժ աշխատանքի։
Հարգանքներով՝ մի խումբ ֆրանսաբնակ հայեր

lundi 3 décembre 2007

Արմենակ Աբրահամյանը Մարսելի ռադիո «Դիալոգ»–ում

Դեկտեմբեր երկուսին Մարսելի ռադիո «Դիալոգ»–ի Սերժ Տակտալյանի վարած հայկական ռադիոժամով ելույթ ունեցավ Արմենակ Աբրահամյանը, որը հանդիսանում է Արևմտյան Հայաստանի Ազգային Խորհրդի անդամ։
Նյութը ֆրանսերեն է։




Մեր հատուկ շնորհակալությունները Սերժ Թակթալյանին ձայնանյութի տրամադրման համար։